ATU
Şəxsi
Kabineti
Azərbaycan Texnologiya Universitetinin üçün hazırlanmış şəxsi kabinet
Problem & Onun Həlli
Digər platformalarda tez-tez rast gəlinən problemlər - qarışıq dizayn, zəif strukturlaşdırma, qeyri-effektiv UX, məhdud əlçatanlıq, minimum səviyyədə fərdiləşdirmə və responsivliyin olmaması - bu sahədə ciddi boşluqların mövcud olduğunu göstərir. Bizim platformamız isə bu boşluqları aradan qaldırmaq məqsədilə sürətli, istifadəçi dostu, əlçatan və müasir texnologiyalar əsasında sıfırdan hazırlanmışdır. Burada əsas fokus yalnız funksionallıq deyil, eyni zamanda istifadəçi təcrübəsinin maksimum səviyyədə optimallaşdırılmasıdır.
Ölkəmizdə bu tip platformaların əksəriyyəti hazır və şablon kodların sadə inteqrasiyası ilə kifayətlənir. Kodera komandası olaraq isə biz bu yanaşmadan imtina etdik. Kabinetin konsept mərhələsindən başlayaraq ən xırda detallara qədər hər bir elementi diqqətlə analiz etdik, dizayn, struktur və performansı vahid sistem kimi formalaşdırdıq. Nəticədə, texniki cəhətdən dayanıqlı, vizual baxımdan müasir və istifadəçi ehtiyaclarına tam cavab verən bir platforma ortaya qoyduq.
UI/UX Dizaynı, Vebsayt hazırlanması
5 Dekabr 2025
Məqsəd & Strategiya
Layihəni formalaşdırarkən əsas məqsədimiz bir universitetin gündəlik fəaliyyətində ehtiyac duyduğu bütün rəqəmsal alətləri vahid və inteqrasiya olunmuş platformada birləşdirmək idi. Bu yanaşma ilə elektron jurnal, akademik təqvim, sınaq və statistika sistemləri, onlayn ofis həlləri, 20.000-dən çox resursu əhatə edən rəqəmsal kitabxana, tam funksional daxili mesajlaşma infrastrukturu, geniş bildiriş mexanizmi, çoxfunksiyalı tənzimləmə və hesab nəzarət sistemi, müəllimlər üçün ayrıca jurnal və test redaktoru, eləcə də bütün bu proseslərə nəzarət edən geniş imkanlı admin paneli sıfırdan dizayn edilmişdir. Eyni zamanda, imtahan sisteminin də platformaya tam inteqrasiyası ilə universitet mühitində tələb olunan əsas funksionallıqlar mərhələli şəkildə həyata keçirilmişdir.
Platformanın "1-ci" versiyası əsasən tələbə və müəllimlərin ehtiyacları nəzərə alınaraq hazırlanmışdır. "2-ci" versiyada isə idarəetmə heyətinin iş yükünü minimuma endirən və əməliyyat səmərəliliyini artıran inkişaf etmiş alətlər ön plana çıxarılmışdır. Bunlara avtomatik dərs və imtahan cədvəllərinin yaradılması, toplu əməliyyatların icrası, serverə qismən giriş imkanları, geniş yardım və dəstək xətti, süni intellekt dəstəyi, eləcə də məlumatların qruplaşdırılması və optimallaşdırılması üçün güclü alqoritmlər daxildir. Uzunmüddətli strategiyamız platformanı davamlı şəkildə inkişaf etdirərək, qlobal miqyasda ən güclü və ən funksional universitet idarəetmə kabinetlərindən birinə çevirməkdir.
(Client Review)
(Project)
